بديع خيرى
الحلوة دى قامت تعجن فى البدرية
والديك بيــدن كوكو كوكو فى الفجـرية
يلا بنا على باب الله يا صـنايعية
يجعل صباحك صباح الخير ياسطى عطيـة
صبح الصبح فتــاح يا عليــم
والجيـب مافهشى ولا مليــم
مين فى اليومين دول شاف تلطيـم
زى الصـنايعية المظاليـم
بديع خيرى
اوعى يمينك اوعى شمالك اوعى الأزمة توقف حالك
اوعى وشك اوعى ضهرك اوعى فوقك اوعى تحتك
اوعى الكوكايين يلحس مخك اوعى سبق الخيل لايطسك
يمينك شمالك اوعى
ياللي ماشيه خطوه خطوه طالعه فيها عامله حلوه
غطي إيدك غطي رجلك غطي وشك غطي صدرك
إوعي تترقصي ف السكه إوعي تقولي لي الا فرانكه
إوعي تتغمزي بعينيكي والناس ملمومين حواليكي
الراجل لو بصبص ليكي إيه ذنبه دا الحق عليكي
بديع خيرى
مليحة قوى القلل القناوى
رخيصة قوى القلل القناوى
قرب حدانا وخد قلتين
خسارة قرشك وحياة ولادك
ع اللى ماهواش من طين بلادك
ده ابن بلدك ما يبلفكشى
ما تعدموشى ولا يعدمكشى
دمك من دمه ما يفرقكوا شى
الدنيا مالها يا زعبلاوى
بديع خيرى
اشمعنى يا نخ
الكوكايين كخ
دا أكل المخ
هلكنا اعمله على غيرنا
رايح لي تطخ
وجاي تبخ
شطب
هو أنت شريكنا حتى فى مناخيرنا
أيش عرفك انت يادونكي
المدعوقة دي بخنفتها
بديع خيرى
ياحلاوة ام اسماعيل فى وسط عيالها
زي النجفة عم بتلعلط فى جمــالها
تزرع وتقلع فى الغيط ويا راجـلها
وتعاود تاني لعجينها وغسيلــــها
تحلب جاموســــتها حلاوة كتاكــــــيتها
بديع خيرى
أهو دا اللى صار و أدي اللى كان
مالكش حق
مالكش حق تلوم عليا
تلوم عليا ازاي يا سيدنا
و خير بلادنا ماهوش فى ايدنا
قولي عن أشياء تفيدنا