بيرم التونسي
ليه امشى حافى ،وانا منبت مراكيبكم
ليه فرشى عريان،وانا منجّد مراتبكم
ليه بيتى خربان ،وانا نجّار دواليبكم
هى كده قسمتى؟
الله يحاسبكم!
ساكنين علالى العتب،وانا اللى بانيها
فارشين مفارش قصب،ناسج حواشيها
قانيين سواقى دهب،ونا اللى ادور فيها
يارب ماهوش حسد
لكن بعاتبكم
بيرم التونسي
م المستحيل إنت تخدع أي طفل صغير
و تلف عقله و تعطيه القليل بكتير
لكن بأهون طريقه تخدع الجماهير
لو كنت أغبى غبي تجري وراك و تسير
من غير ما يسأل عن الأسباب والتفاصيل
بيرم التونسي
ولما عدمنا بمصر الملوك
جابوك الانجليز يا فؤاد قعدوك
تمثل على العرش دور الملوك
وفين يلقوا مجرم نظيرك ودون
وخلوك تخالط بنات البلاد
بيرم التونسي
ما احلاها عيشة الفلاح متطمن قلبه مرتاح
يتمرغ يتمرغ على ارض براح والخيمة الزرقا ساتراه
دي القعدة وياّ الخلان والقلب مزقطط فرحان
تثاقلها بجنة رضوان يا هناه اللى الخل معاه
دي الشكوى عمره ما قالهاش ان لاقى والا ما لاقاش
بيرم التونسي
مرمر زماني، يا زماني مرمر
البنت ماشية من زمان تتخطر
والغفلة زارعة في الديوان قرع أخضر
ولما جت تتجوز.. المفضوحة!
اسبق على القبة وسوق قدامي
تلقى العروسة زي محمل شامي
وأبوها يشبه في الشوارب عنتر
بيرم التونسي
نصرة قوية وفرحة هنية
وألف سلامه وألف سلام
نصرة قويه يديمه عليّ
وعلى أحبابنا اللي حواليه
هما هنايا وضي عنيه
اللي صفولي مع الأيام
بيرم التونسي
نورك يا ست الكل نور حينا
وسعدك اللي بان شرف قدرنا
نورك يا ست الكل
في البعد كان القلب دايماً عندكم
وفـ كل طلعة شمس اسأل عنكم
بيرم التونسي
اسمع حكاية بعدها هأهأ
زهر الملوك في الولد أهو طأطأ
مالناش قرون كنا نقول مأ مأ
وناكل البرسيم بالقفة
سلطان بلدنا حرمته جابت
ولد وقال سموه بفاروق
بيرم التونسي
هلت ليالي حلوه وهنية ليالي رايحة وليالي جاية
فيها التجلى دايم تملى ونورها ساطع من العلالي
هلت ليالي هلت ليالي
ليالي حلوة نشتاق اليها وفيها ليلة الله عليها
القدر فيها الله اكبر اوعدنا بيها الله اكبر
كل التمني لو ترضى عني واعيش مهني ولا أبالي
بيرم التونسي
هو صحيح الهوى غلاب ما عرفش انا
والهجر قالوا مرار وعذاب واليوم بسنة
جاني الهوى من غير مواعيد
وكل مادا حلاوته تزيد
ما أحسبش يوم ح ياخذني بعيد
يمني قلبي بالأفراح