بيرم التونسي
بالسلام احنا بدينا .. بالسلام
ردت الدنيا علينا .. بالسلام
ياسلام .. ياسلام .. ياسلام .. ياسلام
بالسلام .. بالمحبه .. الدنيا تحيا
ليه يكونوا ناس فى ناحيه .. وناس فى ناحيه
مهما كنا .. ومهما كنتم .. من حقوقنا .. احنا وانتم
الحياة .. والسلام ..
ياسلام .. ياسلام
بيرم التونسي
برضاك يا خالقي .. لا رغبتي ورضاي
خلقت صوتي ويدك .. صورت اعضاي
ابلغ بصوتي يا ربي .. مقصدي ومناي
لما اناجيك .. ولما تسمع شكواي
بيرم التونسي
بساط الريح جميل ومريح
وكلو امان ولا البولمان
بساط الريح بساط الريح
يا طاير فوق وكلّك ذوق
أنا مشتاق وبراني الشوق
ودواي فى سوريا وفي لبنان
نسيم لبنان شفا الأرواح
عليل القلب عليه يرتاح
ويا مشتاق لبرِّ الشام
بيرم التونسي
بطل السلام عاد بسلامة
أهلاً .. أهلاً .. أهلاً
بطل السلام عاد بسلامة وهمة عالية وكرامة
أهلاً وسهلاً من قلبى
بنقولها والدنيا معانا
بنقولها والدنيا معانا
لما بطلنا يتكلم .. ينبه الشرق ويرسم
خط السلام والحرية على الأراضى العربية
اللى بقت عنده امانة .. أهلاً وسهلاً من قلبى
أهلاً .. أهلاً .. أهلاً .. أهلاً
أهلاً وسهلاً من قلبى
بيرم التونسي
بعد الصبر ما طال نهض الشرق وقال
حققنا الامال برياستك يا جمال
الشعب اللى رفع الراية لصلاح الدين
اودعها يمين عبد الناصر ويمينه يمين
السعد معاه والشعب وراه والله معين
النور اهولاح والقلب ارتاح والشر اهوزال
بعد الصبر ما طال حققنا الامال
برياستك يا جمال
ابطال الامة العربية بين المحيطين
بيرم التونسي
ما تمضغيش للعيال الأكل باسنانك
والنفخ في الأكل سم في عرض أيمانك
بيرم التونسي
من عهد ما كتفوك في القبر يا فرعون
داست بلادك مِلل من كل شكل ولون
وخلصوا منا تار موسى وتار هارون
وبعد جور الزمن واللي جرى فينا
ظهرت لما بقى لك في المنامة قرون
بيرم التونسي
جالنا ضيف بارد وساقع وابن جزمة
نام ومزع في القماش والوقت ازمة
والضيافة بالكتير ما تكونشي لازيمة
غير ثلاث أيام ودي بالتلتمية
طقة الضيف في الفطور ميت ألف بيضة
غير متين طور كل طور غندور وموضة
بعت عفشي وبعت ملكي وبعت بابي
والطاحونة والحمار والبطانية
اسأل البنك العقاري وبنك رومه
تعرف المبلغ وشيكات العزومة
والتلم مش طالع إلا بالحكومة
إن كانت تنفع وبالقدرة القوية
قلت أنا في عرضك يا أبو العباس يا مرسي
زحلق البلوة وحق الزيت عليه
بيرم التونسي
“جدع معـلـم قال لخـالـتـك ام هلال
شوفي لنـا بنـت حـلال تكـون لطيفـة و عال
بنـات كتيـر حلويـن عنـد اهلهـم قاعـديـن
ما بين طبيـخ و عجيـن و بخـتـهـم بـطال
عايزهـا لحـم فصـوص مش عود قصب ممصوص
و محربقـه بعصعوص و عامله روحهـا غـزال
عايـز قوام يتـهـز إن دزيـتـيـه يـندز
و ف كـل مفصـل حـز يـفـكـرك بهـلال
بيرم التونسي
حاتجن ياريت ياخوانا
مارحتش لندن ولا باريز
دى بلاد تمدين
ونضافه وزوق ولطافه
وحاجه تغيظ
مالاقيتش جدع متعافى
وحافى
وماشى يقشر خص
ولا شحط مشمرخ افندى
معاه عود خلفه