أحمد فؤاد نجم
حرب الشعب
ماتقولليش
ماتعدليش
حرب الشعب وغيرها مافيش
حاس يامصاروه
حاس ياولاد
حاس يامداين
أحمد فؤاد نجم
حسبة برما بمناسبة زيارة ابن الهرمة
كشف الرافضين
ببطارية ماركه - نانسين -
يهوديه عربيه
سته مشاغبين
وستميه سته وستين
واتنين صنايعيه
سبعة مداقرين
وسبعميه سبعه وسبعين
غاويين شيوعيه
ألف وستين
وربعميه
أحمد فؤاد نجم
حلاويلا
حلاويلا يا حلاويلا .. يا خسارة يا حول الله
ده الثوري النوري الكلمنجي .. هلاب الدين الشفطنجي
قاعد في الصف الاكلنجي … شكلاطة و كاراميلا ..
يتمركس بعض الايام … يتمسلم بعض الايام
و يصاحب كل الحكام .. و بسطعشر ملة ..
حلاويلا يا حلاويلا .. يا خسارة يا حول الله
يا حلاولو لو شفتو زمان .. مهموم بقضايا الانسان
بيتكتك لتقول بركان .. و لا بوتجاز و لا حلة ..
أحمد فؤاد نجم
دعوة
يا خالقنا وعالم بلاوينا
يا رازقنا
وحاسب خطاوينا
نسأل فضلك
من إحسانك
أحمد فؤاد نجم
دلي الشكارة
دلي الشكارة جنب الشكارة
و اقعد يا حفني ولعلك سيجارة
فكّـر شوية .. بالعيشة دية
إيه القضية إيه العبارة
من صغر سني
شقيان لكني
ما لط سني غير البصارة
أحمد فؤاد نجم
دور يا كلام على كيفك دور
دور يا كلام على كيفك دور
خلي بلدنا تعوم في النور
وارمي الكلمة في بطن الضلمة
تحبل سلمة وتولد نور
يكشف عيبنا ويعيبنا
أحمد فؤاد نجم
زيارة إلى ضريح عبد الناصر
السكه مفروشه تيجان الفل والنرجس
والقبه صهوة فرس عليها الخضر بيبرجس
أحمد فؤاد نجم
شجرة لو
يا اماني يا شجره ف بستاني
بتفرع يا ما وتعلو
وبيستناها الفكهاني
ولا تطرح غيركلمه لو
لوأغمض وافتح تانى
الاقينى طاير فى الجو
والشمس عروسه مقابلانى
بالطرحه الدهبي وبالضو
لاخطف طرحتها وفرحتها
وانزل فى اللحظه وفى التو
ابدر انورها واشواقي
أحمد فؤاد نجم
شقع بقع
انا الأديب و لا تعرفنيش
تقرالي لكن ما تشوفنيش
كلامي لا هو مادهون ورنيش
و لا المعاني عليها غبار
شقع بقع يا ديل الفار
*** يا شعب مصر يا خم النوم
ما تفوق بقى و تشوف لك يوم
الثورة قامت في الخرطوم
و انت اللي نايم بالمندار
شقع بقع يا ديل الفار
أحمد فؤاد نجم
شيد قصورك
شيد قصورك ع المزارع
من كدنا وعمل إيدينا
الخمارات جنب المصانع
والسجن مطرح الجنينة
واطلق كلابك
في الشوارع
واقفل زنازينك
علينا
وقلّ نومنا في المضاجع
أدي احنا
نمنا ما اشتهينا
واتقل علينا بالمواجع
احنا اتوجعنا
واكتفينا