مروان موسي
خدت نص، اديتها نص
جيت تبخ، انا جيت ارش
في صحتنا، شلة توب
قعدة حلوة جوة شيراتون
معايا موزة، معايا خوخة
جسم متخلف زي قزازة كولا
لما تلف تعملنا دوخة
آيس كريم اخد انا بولا
عبد الرحيم منصور
يا صابر على بلاويا
وميتى توفى بالمواعيد
يا صابر على بلاويا
عبد الرحيم منصور
صعيدى ولا بحيرى ولا الهوا رماك
صعيدى ولا بحيرى ولا الهوا رماك
أمين حداد
جرب ابتسامتك في الضلمه
اشرب الخمور الفواره
ارضع من حنينك أغنيه
من كل البيوت اللي بتسهر
شباك الجيران اللي موارب
هو اللي اشتبك مع نظراتك
حاول تفتكر أيها مطلع
مش حتلاقي أجمل من كلمة
الفعل المضارع أكذوبه
فؤاد حداد
ولا كل مين
فى الظلمة شقّر
طبل ونقّر
يعرف يسحّر
يا مسلمين
ولا كل مين
عاش في الحديقة
وقال فيه حريقة
على الحقيقة
أصبح أمين
ولا كل مين
حَطّ اللاوندي
ع القلقشندي
ينفع أفندي
في الفلاحين
فؤاد قاعود
عرفت الحق من صوت الربابة
و أخذت الصدق من قول الصحابة
يقول الشاعر العربي و ينزل
بعزم القوس على راس الديابة
سواسي زي ما قايل محمد
بلا طبقات على ظهور الغلابة
بيرم التونسي
صوت السلام هو اللي ساد واللي حكم
على الدخيل اللي اندحر واللي انهزم
عدونا لما ابتدا قدمنا أرواحنا فدا
واستعجبت من بأسنا كل الأمم
ثلاث أمم يا بور سعيد متقدمه
بدبابات وطيارات تملا السما
بديع خيرى
انس الهموم أنسك يدوم اللى يلوم يفضل يعاني
المال دا إيه فى الدنيا ليه تسأل عليه دا كله فاني
ضم الكروم له عندي يوم من بدري أقوم أشبع اغاني
انس الهموم أنسك يدوم اللى يلوم يفضل يعاني
لون العنب زي الدهب خلاني أحب الواد فلاني
حسين السيد
ضي القناديل والشارع الطويل
فكرني يا حبيبي بالموعد الجميل
بليالي سهرناها وسهروا القناديل سهروا يا حبيبي
عبدالوهاب محمد
طالت ليالي البعاد والليل يطول على الغريب
وأحترت أواسي الفؤاد على غياب الحبيب
اسمع من الطير الحيران لحن الأشواق
أصبر القلب الولهان لما يشتاق